Իգդիրում թուրքի հետ ամուսնացած հայուհի է սպանվել

Հայաստանի հետ սահմանակից Թուրքիայի Իգդիր նահանգի Թուզլուջայի շրջանի Աշաղը կոչվող թաղամասում որսորդական հրացանով սպանվել է Էվլիյա Գյումուշթեքինի հետ ամուսնացած եւ 2 երեխաների մայր Բ. Բակոյանը։

Թուրքական Star պարբերականի փոխանցմամբ՝ Էվլիյա Գյումուշթեքինի եղբայրը այգում ագռավների վրա կրակելու ժամանակ պատահաբար կրակել է Բ. Բակոյանի վրա։ Բակոյանը ծանր վիրավորված տեղափոխվել է հիվանդանոց, սակայն նրա կյանքը չի հաջողվել փրկել։

Ոստիկանության կողմից ձերբակալված Յուսուֆ Թեքինը հայտնել է, թե իրենց այգում ագռավներ եւ վայրի խոզեր շատ են լինում, որոնք վնասում են այգին։ Նա պնդել է, թե այդ օրն էլ ագռավների կրակելու ժամանակ պատահաբար կրակել է եղբոր կնոջ վրա, որի համար շատ ցավում է։

Թուրքական լրատվամիջոցները պնդում են, թե 2 երեխաների մայր Բ. Բակոյանն ազգությամբ հայ է։ Նշվում է, որ Էվլիյա Գյումուշթեքինը 10 տարի առաջ Բակոյանի հետ Ռուսաստանում է ծանոթացել եւ ամուսնացել Բակոյանի հետ, որից հետո նրանք տեղափոխվել են Թուրքիա։

http://news.am/arm/news/157915.html