Ադամ Շիֆը հիասթափված է հայերի գործով ԱՄՆ Գերագույն դատարանի որոշումից

ԱՄՆ Գերգայուն դատարանի որոշումը` հրաժարվել լսել «Մովսեսյանն ընդդեմ «Versicherung AG»-ի գործով փաստարկները, խորը հիասթափություն է առաջացնում: Այս մասին հայ–ամերիկյան «Asbarez» պարբերականին հայտարարել է ԱՄՆ կոնգրեսի անդամ Ադամ Շիֆը:

Հարցազրույցում Շիֆն անդրադարձել է Հայոց ցեղասպանության ճանաչման հասնելու հարցում ԱՄՆ կոնգրեսում նոր ջանքերին, Հայաստանին ցուցաբերվող օգնությանը, Ղարաբաղի եւ Ջավաքի հարցերին:

Գերագույն դատարանի որոշման վերաբերյալ կոնգրեսականն ասել է. «Դատարանի որոշումը խորը հիասթափություն է առաջացնում ինչպես արդադարության հասնելու անհրաժեշտություն, այնպես էլ սահմանադրական հարցերի կարեւորության տեսակետից: Որպես նահանգի սենատոր` ես վաղեմության ժամկետի երկարաձգման օրինագծի գլխավոր համահեղինակն եմ եղել եւ անձնապես շահագրգռված եմ Ցեղասպանության զոհերի ժառանգների համար արդարադատության ապահովման հարցում»:

Ադամ Շիֆը նշել էր, որ մինչեւ դատարանի վերջին որոշումը օրինագիծ է մշակել, համաձայն որի` ԱՄՆ քաղաքականությունը պետք է կենտրոնանա ցեղասպանությունների զոհերի օգնության ցուցաբերման վրա, լինի դա Հայոց ցեղասպանությունը կամ ցանկացած այլ փոխհատուցում պահաջող չարագործություն:

http://news.am/arm/news/157765.html