Վաղը` հունիսի 13-ին, ժամը 19:30-ին Ստամբուլի «Ջեզայիր» սրահում քննարկում կկազմակերպվի այն 20 հայ հնչակյան գործիչների հիշատակին, ովքեր 1915 թ. հունիսի 15-ին կախաղան բարձրացվեցին Ստամբուլի Սուլթան Բայազետ հրապարակում:
Այդ մասին հաղորդում է Akunq.net-ը` հիմնվելով պոլսահայերի «Հայթերթ» կայքի տեղեկատվության վրա: Ըստ աղբյուրի` դռնբաց կազմակերպվող սույն միջոցառման մտահղացման հեղինակներն են Ֆիրդևս Փերիլօղլուն և Էրոլ Յեշիլյուրթը, իսկ, որպես բանախոսներ, ելույթ կունենան Հայկական հարցի և Հայոց ցեղասպանության վերաբերյալ բազմաթիվ գրքեր տպագրած «Բելգե» հրատարակչության տնօրեն Ռագըփ Զարաքօլուն, Մասիս Քյուրքչյուգիլը, Մուստաֆա Քահյան, ինչպես նաև` Սոցիալ-դեմոկրատ հնչակյան կուսակցության մի ներկայացուցիչ:
Աղբյուրը նաև փոխանցում է, որ 2013 թ. հունիսի 15-ին, ժամը 15:00-ին հիշյալ 20 հնչակյան գործինչների հիշատակին կկազմակերպվի նաև ոգեկոչման արարողություն:
Akunq.net
Leave a Reply