Վանի Էրջիշ (Արճեշ) շրջանի Չաթաք Դիբի գյուղում 250 հազար ծառ է կտրվելու: Այս մասին հաղորդում է թուրքական «Բիանեթ» կայքը`հիմնվելով պաշտոնական տվյալների վրա:
Ըստ կայքի` տվյալ շրջանի Սննդի, գյուղատնտեսության և անասնաբուծության տնօրինությունը զեկույց է ներկայացրել, որտեղ նշված է, թե տարածքում քանի ծառ և գյուղատնտեսական տարածք կա: Ըստ զեկույցի`այդ ծառերը 10 տարվա պատմություն ունեն: Նախատեսվում է Արճեշում կառուցել տներ, որոնք կհատկացվեն 2011թ. հոկտեմբերի 23-ի երկրաշարժից տուժած բնակիչներին:
Այդ տարածքի ծառահատման դեմ ստորագրահավաք է սկսվել: Ստորագրահավաքի կազմակերպիչները նշում են, որ ոչնչացման սպառնալիքի տակ գտնվող մի քանի ծառեր հարյուր տարեկան են:
Նշենք, որ նմանատիպ ծառահատումը պատճառ հանդիսացավ, որ Թուրքիաի բազմաթիվ քաղաքացիներ ոտքի կանգնեն Ստամբուլի Գեզի այգու պաշտպանության համար: Իշխանությունները կոպիտ ուժ կիրառելով փորձեցին ցրել նրանց: Նման մոտեցումը, ինչպես նաև Թուրքիայի վարչաետ Ռեջեփ Թայիփ Էրդողանի հայտարարությունը` «Ինչ ուզում եք արեք, ինչպես որոշել ենք, այդպես էլ լինելու է», բողոքի մեծ ալիք բարձրացրեց: Բնապահպանական ակցիան վերածվեց հակակառավարական ցույցի` ընդգրկելով Թուրքիայի տարբեր քաղաքներ: Հազարավոր մարդիկ վիավորվեցին, եղան նաև զոհեր: Ցույցերը շարունակվում են միչ օրս:
Leave a Reply