ԵՄ դիվանագիտության ղեկավար Քեթրին Էշթոնը վերջին օրերին հերթական անգամ անհանգստություն է հայտնել Թուրքիայում տիրող իրադրության առնչությամբ և հայտարարել, որ ուշադիր հետևում է երկրում իրադարձությունների զարգացմանը: Այս մասին հայտնում է Interfax-ը:
«Ես խորապես վշտացած եմ տեղի ունեցած բազմաթիվ մարդկանց մահվան և վնասվածքներ հասցնելու դեպքերի առնչությամբ և իմ ցավակցությունն ու կարեկցանքն եմ հայտնում բոլոր նրանց, ովքեր տուժել են կամ հարազատներ կորցրել»,- ասվում է կիրակի Բրյուսելի կողմից տարածված Էշթոնի հայտարարության մեջ:
Նա ընդգծել է բռնության և ոստիկանության կողմից ավելորդ ուժի կիրառման բոլոր դեպքերը անհապաղ հետաքննելու և մեղավորներին պատասխանատվության ենթարկելու անհրաժեշտությունը:
ԵՄ դիվանագիտության ղեկավարի կարծիքով՝ պահպանվող լարվածությունն ընդգծում է բոլոր կողմերի զսպվածության դրսևորման ու երկխոսության, փոխադարձ հարգանքի, ըմբռնման և անկեղծության հիման վրա արագ լուծում գտնելու անհրաժեշտությունը:
Leave a Reply