Ստամբուլում ցույցերին նվիրված «Հեղափոխության թանգարան» է բացվել

Ի հիշատակ թուրքական Թաքսիմ հրապարակում տեղի ունեցող դեպքերի՝ Ստամբուլում այցելուների առաջ իր դռներն է բացել «Հեղափոխության թանգարանը»։

Ինչպես նշում է Euromag-ը, այստեղ կարելի է տեսնել Գեզի զբոսայգու ծառահատումների դեմ ցույցերի ժամանակ արված լուսանկարներ, ոստիկանական սարքավորումների աղավաղված նմուշներ, արցունքաբեր գազի դատարկ տարաներ, որոնք կիրառվել են ցուցարարների դեմ։

Լրագրողի այն հարցին, թե թանգարանի գաղափարը կատա՞կ է, դրա հիմնադիրներից մեկը պատասխանել է. «Դե, իհարկե, կատակի մասնիկ էլ կա, սակայն, մեր կարծիքով, այս ամենը շատ լուրջ է։ Այնպես որ, բարի գալուստ «Հեղափոխության թանգարան»»։

Այցելուները կարող են իրենց ստորագրությունը թողնել կամ հեղափոխության մասին հուշերով կիսվել անմիջապես թանգարանի պատերի վրա։ Մուտքն այստեղ անվճար է։

http://www.tert.am/am/news/2013/06/07/istambul-revolution-museum/