«Հայերը և թուրքերը»՝ Թբիլիսիում

Հունիսի 7-ի երեկոյան Վրաստանի մայրաքաղաք Թբիլիսիում ներկայացվել է Սիվիլիթաս հիմնադրամի փորձագետ Թաթուլ Հակոբյանի «Հայացք Արարատից. հայերը և թուրքերը» գրքի անգլերեն հատորը: Միջոցառման ընթացքում Հակոբյանը ներկայացրել է նաև իր առաջին գիրքը՝ «Արցախյան օրագիր. կանաչ ու սևը»:

Շնորհանդեսին ներկա են եղել Թբիլիսիում հավատարմագրված մի շարք  երկրների դեսպանությունների՝ Թուրքիայի, ԱՄՆ-ի, Շվեդիայի, Նիդեռլանդների ներկայացուցիչներ, ինչպես նաև հայ, վրացի ու ադրբեջանցի լրագրողներ, փորձագետներ, Վրաստանի բարձրագույն ուսումնական հաստատությունների ուսանողներ: Թբիլիսիում Ադրբեջանի դեսպանությունից որևէ ներկայություն չի եղել:

Միջոցառումը բացել է Լոնդոնի «Հաշտեցման պաշարներ» միջազգային կազմակերպության Կովկասյան հարցերով պատասխանատու Լորենս Բրոերսը և ներկայացրել Թաթուլ Հակոբյանի գրքերը: Բրոերսն ասել է, որ ղարաբաղյան հակամարտության և հայ-թուրքական հարաբերությունների մասին Հակոբյանի գրքերը կարելի է համարել լավագույններից: Նա հատկապես կարևորել է այն, որ երկու գրքերն էլ գրված են բավականին լավ անգլերենով, հավասարակշռված են և համապարփակ:

Հակոբյանը հակիրճ ներկայացրել է գրքերի բովանդակությունը, ապա պատասխանել ներկաների բազմաթիվ հարցերին: Հեղինակը ասել է, որ առաջիկայում պատրաստվում է իր երկու գրքերը, որոնցից «Կանաչ ու սևը» տպագրվել է նաև թուրքերենով, ներկայացնել նաև Թուրքիայում:

http://civilnet.am