Ուկրաինայի Գերագույն Ռադայում Հայոց ցեղասպանության ճանաչման վերաբերյալ օրինագիծ է գրանցվել

Ուկրաինայի Գերագույն Ռադայում գրանցվել է Հայոց ցեղասպանության ճանաչման վերաբերյալ օրինագիծ:Այս մասին հաղորդում է «ՌԲԿ.ուա» լրատվական գործակալությունը:

Գործակալության հաղորդած տեղեկությունների համաձայն, օրինագծի տեքստը դեռևս տեղադրված չէ Ուկրաինայի օրենսդրի պաշտոնական կայքում:

Սույն օրենսդրական նախաձեռնությամբ հանդես են եկել ընդդիմադիր «Բատկիվշինա» կուսակցության պատգամավոր Արսեն Ավակովը և իշխանական` Տարածաշրջանների կուսակցության ներկայացուցիչ Վիլեն Շատվորյանը: Օրինագծի քննարկման ժամակետները դեռևս հստակեցված չեն:

Նշենք, Հայոց ցեղասպանությունն առաջինը պաշտոնապես ճանաչել է Ուրուգվայը` 1965թ., նրան հետևել են Ռուսաստանը, Ֆրանսիան, Իտալիան, Գերմանիան, Նիդերլանդները, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ 42 նահանգներ, Վատիկանը:

http://panorama.am/am/politics/2013/06/07/ukraine-armeniangenocide/