Բեշիքթաշի երկրպագուները հայ նախագահի գլխավորությամբ շարժվում են Թաքսիմ

Թուրքիայում արդեն ութերորդ օրն է, ինչ շարունակվում են բնապահպանական ակցիայից սկիզբ առած բազմամարդ հակակառավարական ցույցերը։

Ստամբուլի կենտրոնական Թաքսիմ հրապարակում և Գեզի զբոսայգում իրավիճակը համեմատաբար կայուն է։ Հրապարակում ամենուր դրոշներ են, ցուցարարները խմբերով են և մեկ վայրում կուտակված չեն։

Հայտնի է, որ առավոտյան թուրքական «Բեշիքթաշ» ֆուտբոլային ակումբի «Չարշը» ֆան ակումբը, որի նախագահը հայ է, երթ է իրականացնելու դեպի Թաքսիմ։ Սպասվում է, որ երթին կմասնակցի մի քանի հարյուր մարդ։

Իրավիճակը շարունակում է առավել լարված մնալ մայրաքաղաք Անկարայում և Իզմիրում։ Բախումներն հատկապես ակտիվանում են երեկոյան և գիշերային ժամերին։

Հիշեցնենք, որ արդեն 8 օր շարունակվող հակակառավարական ելույթների համար առիթ էր դարձել Ստամբուլի Գեզի զբոսայգում ծառահատումներն ու կառուցապատման աշխատանքները, ինչը դժգոհությամբ էր ընդունվել ստամբուլցիների մի մասի կողմից:

Տեղային բնապահպանական ցույցից սկիզբ առած բազմամարդ բողոքի ակցիաները վերածվել են հզոր հակակառավարական ցույցերի, որոնք արագորեն տարածվել են Թուրքիայի ողջ տարածքով: Ոստիկանների հետ բախումների հետևանքով տուժածների և ձերբակալվածների թիվն անցնում է մի քանի հազարը։

http://haynews.am/hy/1370417563