Հաքերների միջազգային Anonymous ցանցի խմբավորման անդամները Թուրքիայում տեղի ունեցող դեպքերի հետ կապված տեսանյութ են հրապարակել, որի մեջ զորակցություն են հայտնում Թուրքիայում ժողովրդավարության համար պայքարողներին եւ սպառնում՝ կոտրել թուրքական կառավարական կայքերը։
Youtube-ում հայտնված տեսանյութում նշվում է. «Օրեր շարունակ հետեւում ենք, թե ինչպես են մեր թուրք եղբայրների դեմ ուժ կիրառում, ջրցան մեքենաներով եւ արցունքաբեր գազով հարձակվում։ Թաքսիմի հրապարակից սկսվելով` ժողովրդի պայքարն ընդգրկել է Թուրքիայի բոլոր քաղաքները։ Թեեւ ոստիկանության չվերջացող բռնություններին, օրեր շարունակ հարյուրհազարավոր քաղաքացիներ փողոցում են։
Հազարավոր քաղաքացիներ են ձերբակալվել։ Խունտայից ինչո՞վ եք տարբերվում։ Թուրքիայում այսպես ասած «ժողովրդավարություն» է, սակայն թուրքական կառավարությունը բռնապետների վարք է դրսեւորում։
Anonymous-ը շատ զայրացած է այս իրավիճակի համար։ Ամբողջ աշխարհով մեկ միավորվելու ենք եւ թուրքական կառավարությանը ծնկի ենք բերելու։ Հարձակվելու ենք թուրքական կառավարության բոլոր ինտերնտետ կայքերի դեմ։
Խելքներդ գլուխներդ հավաքեք եւ հրաժարական տվեք։ Թողեք թող մարդիկ իրենց ճակատագիրը որոշեն»,-նշվել է Anonymous-ի տեսանյութի մեջ։
Leave a Reply