Թուրքիան ցանկանում է վավերացնել հայ-թուրքական արձանագրությունները. Թուրքիայի պատվիրակ

«Ադրբեջանը ևս պետք է աջակցի ԼՂՀ–ի կարգավորման գործընթացին»,-Երևանում մեկնարկած ԵԽԽՎ–ի նիստի ընդմիջման ժամանակ լրագրողների հետ զրույցում ասաց Թուրքիայի պատվիրակ Նուրսունա Մեմեկան:

Հարցին, թե կարծում է, որ հայ-թուրքական հարաբերությունները կախված են Ադրբեջանի հետ երկու երկրների հարաբերություններից, նա չցանակացավ պատասխանել:

Նա միայն ասաց, որ երկրրոդ անգամ է Երևանում, առաջին անգամ այստեղ է եղել հինգ տարի առաջ կայացած նախագահական ընտրությւնների ժամանակ: Եվ այն անգամ, և այս անգամ էլ դեռևս ժամանակ չի ունեցել դիտելու քաղաքը, սակայն նկատել է` զարգացում ու առաջընթաց կա, ինչն իր համար հաճելի է: Թուրքիայի պատվիրակը գովաբանեց նաև հայ մարդկանց:

Մեկ այլ հարցի, թե ինչ կարող է ասել հայ-թուրքական արձանագրությունների մասին, ասաց, որ հույս ունի, որ դրանք կվերականգնվեն: Իսկ արդյոք Թուրքիան ցանկանում է դա, նա պատասխանեց. «Այո, Թուրքիան ցանկանում է»: Իսկ ինչու չի անում լրագրողների հարցին, նա արձագանքեց. «Դուք գիտեք` ինչու»:

Դիտարկմանը, որ միգուցե Ադրբեջանի պատճառով դրանք կրկին չեն վավերացվում, նա կրկին չպատասխանեց ու այս անգամ արդեն հեռացավ:

Հիշեցնենք, որ հայ-թուրքական արձանագրությունները, ի սկզբանե հայտարարվածի համաձայն, առանց նախապայմանների էին ընդունվել, սակայն հետագայում պաշտոնական Անկարան նախապայման առաջ քաշեց` մինչև չլուծվի ղարաբաղյան հարցը հայ-թուրքական սահմանը չի բացվի:

http://haynews.am/hy/1370005558