«Ողջ կյանքը ծպտյալ»` անդրադարձ Թուրքիայի հայերին

Անահիտ Հովսեփյան

Գերմանական «Ֆրանկֆուրտեր ալգեմայնե ցայթունգը» («ՖԱՑ») փետրվարի 23-ին անդրադարձել է Թուրքիայում ծպտյալ հայերի խնդրին: Օսմանյան կայսրությունում հայերի` 100 տարին բոլորող ցեղասպանությունից հետո ավելի ու ավելի է շատանում իրենց հայկական ծագումը ճանաչող թուրքերի թիվը, գրում է թերթը: Շատ վերապրողների վախն է ստիպել թուրքի անվան տակ իսլամ ընդունել: Սա իհարկե նշան չէ, թե Թուրքիան պաշտոնական ճանաչման է ձգտում: Բայց կառավարությունը քրիստոնյա փոքրամասնության հանդեպ քայլ արել է` բռնագրավված սեփականության մի մասը վերադարձնելով նաեւ հայերին: Հենց այս հանգամանքով է պայմանավորված, ծպտյալ վիճակից դուրս գալու` շատերի համարձակությունը նաեւ նրանց բուն բնակության վայր Արեւելյան Անատոլիայում (Արևմտյան Հայաստանում-Ակունքի խմբ.), որտեղ, կարծում էին, թե հայ այլեւս չի կարող ապրել, գրում է թերթը:

«ՖԱՑ»-ն իր հրապարակմանը կցել է նաեւ «Դոյչե վելլեի» նույն թեմայով ֆիլմը, որն իր կայքէջում զետեղել է նաեւ «Դի վելթը»: Գերմանական վերոհիշյալ անդրադարձը հետաքրքրական է նաեւ նրանով, որ այս օրերին Թուրքիայում է ԳԴՀ կանցլեր Անգելա Մերկելը: Ստորեւ` այդ կայքի հասցեն.

http://www.faz.net/aktuell/reise/tuerkei-armenien-ein-leben-lang-versteckt-12091885.html

http://azg.am/AM/2013022704