Թուրքիայում ուսանողները ձերբակալվում են խոսքի ազատության համար

Ստամբուլի համալսարանի ուսանողները խոչընդոտել են նույն համալսարանի իրավագիտության ֆակուլտետի և «Գործընթաց» հետազոտական կենտրոնի կողմից կազմակերպված «Խոսքի ազատության վերաբերյալ կոնֆերանսի» իրականացմանը, հաղորդում է թուրքական “Bianet” լրատվական կայքը:

Ուսանողները հայտարարել են, որ Ստամբուլի համալսարանի ռեկտորատն սկսելու է հետաքննություն իրականացնել բոլոր նրանց դեմ, ովքեր խոսում են խոսքի ազատության մասին:

Կոնֆերանսի սրահը գրաված ուսանողները իրենց սեփական ֆորումն են անցկացրել: Կազմկոմիտեն էլ ամբիոնը ստիպված տրամադրել է ուսանողներին:

Ուսանողները այս քայլով իրենց բողոքի ձայնն են բարձրացրել այն բանի համար, որ իրենց տեղ չտրամադրելով` վերջերս թույլ չեն տվել կազմակերպել Բարձրագույն կրթության օրինագծի վերաբերյալ ժողով:

http://ankakh.com/2013/02/289578/