Քրդական Խաղաղություն և ժողովրդավարություն կուսակցության (BDP) համանախագահ Սելահեդդին Դեմիրթաշը քրդական հարցը լուծելու նպատակով Իմրալը կղզի մեկնած պատվիրակության հետ հանդիպում ունենալուց հետո պատասխանել է լրագրողների հարցերին:
Դեմիրթաշը նշելով, որ Իմրալըում տեղի ունեցած հանդիպման արդյունքում խնդիրը խաղաղ ճանապարհով լուծելու հեռանկարներ են ի հայտ եկել, ասել է. «Օջալանը տեղեկացրել է, որ խնդրի լուծման հարցում վճռական է: Այդ նպատակով ինքն անձամբ կազմելու է խնդրի լուծման նախնական ծրագիրը: Այդ ծրագիրը 2-3 շաբաթվա ընթացքում Օջալանը բանտի ղեկավարության միջոցով ուղարկելու է մեզ, մենք էլ ժողովրդին ենք ներկայացնելու»:
Ըստ Դեմիրթաշի` այդ գործընթացի իրականացմանը միայն Օջալանը չի կարող ձեռնամուխ լինել, և բոլորը պետք է իրենց մասնակցությունը ունենան, հաղորդում է թուրքական “Milliyet” օրաթերթը:
Նշենք, որ Թուրքիայի հատուկ ծառայությունների և Քրդստանի աշխատավորական կուսակցությունը (PKK) միջև զինադադար հաստատելու համար բանակցություններ են ընթանում, որի շրջանակներւմ վերջերս երկրորդ պատվիրակությունն է մեկնել Իմրալը կղզի` PKK-ի առաջնորդ Աբդուլլահ Օջալանի հետ բանակցելու համար:
Leave a Reply