Քրդական Խաղաղություն և ժողովրդավարություն կուսակցության (BDP) պատգամավոր Դեմիր Չելիքը խոսել է այն պահանջների մասին, որոնց կատարումը քրդական քաղաքական շրջաններն ակնկալում են թուրքական պետությունից, հաղորդում է Doğan գործակալությունը:
Ըստ Չելիքի` դրանք չորսն են. քրդական ինքնության ճանաչում, քրդերենի` որպես մայրենի լեզվի ուսուցում և քրդերենի օգտագործում հասարակական ոլորտում, քաղբանտարկյալների ազատ արձակում, ազատական և քաղաքացիական սահմանադրության նախապատրաստում:
Քուրդ պատգամավորի խոսքով` այս փոփոխությունների իրականացման արդյունքում քրդերը հնարավորություն կստանան ապրելու` որպես ազատ և իրավահավասար քաղաքացիներ:
Նշենք, որ Թուրքիայի հատուկ ծառայությունների և Քրդստանի աշխատավորական կուսակցության (PKK) միջև զինադադար հաստատելու համար բանակցություններ են ընթանում: Թուրքիայի վարչապետ Ռեջեփ Թայիփ Էրդողանի գլխավոր պահանջն է, որ PKK-ն զենքը վայր դնի, իսկ կուսակցության մարտիկները հեռանան Թուրքիայից:
Leave a Reply