Թուրքիայի նախագահական շնորհավորանքին հաջորդեց անակնկալ պարունակող «նվերը»

Թուրքիան փորձում է հետնամուտքից մտել ԵԱՀԿ Մինսկի խումբ` նախագահական շնորհավորանքին կցելով «նվեր»:

Թուրքական «Հյուրիեթ» օրաթերթը անհայտ դիվանագիտական աղբյուրի փոխացմամբ հերթական քարոզչական հնարքն է կիրառել` պնդելով, որ Թուքիան ԵԱՀԿ Միսնկի խմբի համանախագահներին է ներկայացրել Հայաստանին «ձեռնտու» առաջարկություն: Տեղեկացվում է, որ Թուրքիան ԵԱՀԿ Մինսկի խմբին է ներկայացրել «Ինտեգրացված տրանսպորտային միջանցքների ծրագիր», որն ուժի մեջ կմտնի միայն այն բանից հետո, երբ Լեռնային Ղարաբաղի խնդրի շուրջ բանակցություններում առաջընթաց գրանցվի:

Ծրագիր ասելով` թուրքերը հասկանում են հետևյալ երկու փուլերը։ Առաջինը չօգտագործվող երկաթուղիների վերանորոգման ու նորերը կառուցելու միջոցով Թուրքիան, Հայաստանը, Ադրբեջանն ու Ռուսաստանն իրար հետ կապելու փուլն է։ Կարս-Թբիլիսի-Բաքու երկաթուղուն զուգահեռ, որի շինարարությունն ավարտվելու է այս տարվա վերջին, կարող է մասնակի վերանորոգումից հետո վերաբացվել նաեւ Թուրքիա-Հայաստան երկաթուղին։ Իսկ զուգահեռ այդ երկաթուղուն, կքննարկվի ժամանակակից ավտոմայրուղի կառուցելու հարցը, որը երկու երկրների միջեւ կավելացնի առեւտրի ծավալները։

Իսկ բանակցություններում առաջընթաց ասելով` թուրքական կողմը հասկանում է նոր զիջումներ հայկական կողմից:

Հաշվի առնելով Թուրքիայի և Ադրբեջանի ձգտումը, որպեսզի թուրքական կողմը ևս ընդգրկված լինեի ԵԱՀԿ Մինսկի խմբում, այս կարգի տեղեկության շրջանառության միջոցով փորձվում է շոշափել Հայաստանի արձագանքը:

Արդյոք Հայաստանը կլռի` դրանով իսկ նախադեպ ստեղծելով, որպեսզի Թուրքիան հնարավորություն ունենա տարբեր ծրագրային կամ այլ կարգի առաջարկություններով միջամտել Մինսկի խմբի գործունեությանը, այդպիսով նաև ճնշում գործադրելով Հայաստանի վրա:

Առայժմ անգամ մամուլի միջոցով (ինչպես դա ավանդաբար անում են թուրքերը) հայկական կողմը չի արձագանքել այս փաստին (Հայաստանի ԱԳՆ-ի խոսնակը News.am-ի թղթակցին պաշտոնապես արդեն հայտնել է, որ Երևանն Անկարայի հետ բանակցություններ չի վարում: Տես` http://news.am/arm/news/141705.html-Ակունքի խմբ.): Մինչդեռ Թուրքիան պետք է հստակ գիտակցի, որ ԵԱՀԿ Մինսկի խումբը, համաձայն նրան տրված մադատի, բոլորովին այլ նպատակների համար է ձևավորվել և դա այն հարթակը չէ, որտեղ պետք է քննարկվեն Հայաստանի և Թուրքիայի միջև տրանսպորտային հաղորդակցության հարցերը կամ տնտեսական նշանակություն ունեցող ծրագրերը:

Կան ստորագրված հայ-թուրքական արձանագրություններ, որոնք նախատեսում են համապատասխան ենթահանձնաժողովների միջոցով նման կարգի հարցերի քննարկում և համաձայնեցում: Մինսկի խումբը չի կարող և նման լիզորություն չունի, որպեսզի զբաղվի այն հարցերով, որոնք նախատեսված են հայ-թուրքական արձանագրություններով: Եթե Միսնկի խումը տուրք տա Թուրքիայի այս կարգի «մանր խորամանկություններին», ապա Լեռնային Ղարաբաղի խնդրի կարգավորման շուրջ բանակցությունները կարելի է ձախողված համարել:

http://www.armweeklynews.am/awn/m13/m_0118.htm