Թուրքիայի բնակչության մեծ մասը կողմ է արտահայտվել թուրքերի և քրդերի կողք կողքի ապրելուն

Թուրքիայի բնակչության ճնշող մեծամասնությունը կողմ է, որպեսզի թուրքերն ու քրդերն ապրեն կողք կողքի: Ինչպես հաղորդում է «Արմենպրես»-ը` վկայակոչելով թուրքական CNN Turk-ը, այս մասին են վկայում Թուրքիայում իշխող Արդարություն և զարգացում կուսակցության կողմից իրականացված սոցհարցման արդյունքները:

«Հավատու՞մ եք, որ թուրք և քուրդ ժողովուրդներն այսուհետ կարող են միասին ապրել» հարցին ի պատասխան` հարցվածների 95 տոկոսը դրական պատասխան է տվել: Հարցմանը, որն անցկացվել է 26 նահանգներում, մասնակցել է 5500 մարդ:

Հետաքրքրական է, որ նախինում նմանօրինակ հարցման ժամանակ բնակչության ճնշող մեծամասնությունը դեմ էր արտահատվել երկու ժողովուրդների` կողք կողքի ապրելուն:

http://armenpress.am/arm/news/709247/turqiayi-bnakchutyan-mets-masn-koxm-e-artahaytvel-turqeri.html