Հայտնի է դարձել Իմրալը կղզի՝ Քրդստանի աշխատավորական կուսակցության (PKK) առաջնորդ Աբդուլլլահ Օջալանի հետ հանդիպման մեկնող պատվիրակության կազմը, հաղորդում է թուրքական Vatan-ը:
Քրդական Խաղաղություն և ժողովրդավարություն կուսակցությունը դիմել է Թուրքիայի արդարադատության նախարարություն և ներկայացրել Իմրալը մեկնող պատվիրակության ցուցակը: Դրանում ընդգրկված են քրդական կուսակցության երեք պատգամավորներ՝ Ալթան Թանը, Փերվին Բուլդանը, Սըրը Սուրեյա Օնդերը:
Մինչ այդ Օջալանը ցանկացել էր հանդիպել քուրդ այլ գործիչների հետ, սակայն Թուրքիայի վարչապետ Ռեջեփ Թայիփ էրդողանն արգելել էր: Ստեղծված լարվածությունը լուծվել է Օջալանի և Թուրքիայի Ազգային հետախուզական կազմակերպության (MIT) ներկայացուցիչների հանդիպման ժամանակ և որոշվել Իմրալը մեկնող պատվիրակության կազմը: Սա Իմրալը մեկնող երկրորդ պատվիրակությունն է:
Թուրքական պետության և PKK-ի միջև բանակցություններ են սկսվել զինադադար հաստատելու նպատակով: Թուրքական կողմը հայտարարել է, որ քուրդ զինյալները պետք է զենքը վայր դնեն: Քրդերն էլ ակնկալում են իրենց իրավունքների ընդլայնում:
Leave a Reply