Ադրբեջանը Թուրքիայից բացատրություններ է պահանջում Հայաստանի նախագահին շնորհավորելու վերաբերյալ

Թուրքիան պետք է հստակություն մտցնի շնորհավորանքների հարցով, որոնք Թուրքիայի նախագահ Աբդուլլահ Գյուլը ուղղել է Հայաստանի նախագահ Սերժ Սարգսյանին, նման հայտարարությամբ է հանդես եկել Ադրբեջանի նախագահի վարչակազմի փոխնախագահ, արտաքին կապերի բաժնի պետ Նովրուզ Մամեդովը, հաղորդում է trend.az գործակալությունը:
«Մամուլից ինձ հայտնի դարձավ, որ իբրև թե նախագահ Աբդուլլահ Գյուլը շնորհավորանքներ է ուղղել: Ես հստակ տեղեկություններ չունեմ, քանի որ պետք է ուսումնասիրել այդ հարցը, քանի որ Հայաստանի և Թուրքիայի միջև դիվանագիտական կապեր չկան: Ընդհանուր առմամբ, Սերժ Սարգսյանի անունով մեկ կամ երկու շնորհավորանք է ստացվել: Նույնիսկ եթե նման շնորհավորանք եղել է, պետք է հասկանալ, արդյո՞ք դա թուրքական պետության դիրքորոշումն է կամ, միգուցե, Աբդուլլահ Գյուլինը, և այն պետք է հստակեցված լինի», – ավելացրել է Նովրուզ Մամեդովը

Ավելի վաղ Թուրքիայի նախագահ Աբդուլլահ Գյուլը շնորհավորական ուղերձ էր հղել Հայաստանի գործող նախագահ Սերժ Սարգսյանին՝ նախագահի պաշտոնում վերընտրվելու կապակցությամբ: Թուրքական Hurriyetdailynews պարբերականի փոխանցմամբ` այդ մասին տեղեկությունը տարածվել Աբդուլլահ Գյուլի մամուլի ծառայության կողմից:

http://tert.am/am/news/2013/02/21/azery-congratulates-sargsyan/