Թուրքիայի պաշտպանության նախարար Իսմեթ Յըլմազը պատասխանել է Ազգայնական շարժում կուսակցության պատգամավոր Լյուֆթու Թյուրքքանի այն հարցմանը, որով նա ճշտում էր, թե արդյոք զինված ուժերում ոչ մուսուլման պարտադիր ժամկետային զինծառայողները զենք ստանում են, թե ոչ:
Թուրքիայի պաշտպանության նախարարը նշել է, որ զենք բաժանվում է բոլոր զորակոչվածներին` առանց խտրականության:
«Յուրաքանչյուր դեպքում Թուրքիայի Հանրապետության բոլոր քաղաքացիները հավասար պայմաններում են լինում. չկա այլատյացություն, տարանջատում, ամեն ինչ հավասար է:
Մեզ մոտ զինվորական ծառայություն անցնող ոչ մուսուլման զինվորները չեն ենթարկվում բոլորի համար հավասար հաստատված կանոներից շեղումների»,-նշել է Յըլմազը:
Նշենք, որ հաճախ են դեպքերը, երբ քրիստոնյա զինծառայողները, հիմնականում հայերը, թուրքական բանակում դառնում են խտրականության զոհ:
Դրա ապացույցն է նաև 2011 թ. ապրիլի 24-ին թուրքական զորամասում թուրք ծառայակցի կողմից հայազգի ժամկետային զինծառայող Սևակ Բալըքչըի սպանությունը:
Leave a Reply