Նամակ
Մալաթիայի Արաբկիրից եմ: Այստեղ, ինչպես որ ձեր նյութում նշվել է, կան հայերին պատկանող բազմաթիվ եկեղեցիների ավերակներ ու տներ: Ես հայ ազգականներ էլ ունեմ, սակայն թող ո’չ ոք չփորձի այստեղ գալ և իրավունք պահանջել. մի նոր կոտորած կլինի… 😀
Մուսա
Պատասխան
Իհարկե կոտորած կլինի, հարգելի’ Մուսա բեյ, բա չի՞ լինի: Կոտորած էլ կլինի, ցեղասպանություն էլ: Կուզին գերեզմանը կփոխի: Այս հողերը հարյուրամյակներ շարունակ ի~նչ կոտորածների են ականատես եղել: Ի՞նչ է փոխվել, որ հիմա չլինեն: Կոտորածի մշակույթն ամենաբարձր մշակույթն է այստեղ: Եթե որևէ ուսումնասիրություն կատարվի, թերևս բացահայտվի, որ այստեղ այնքան մարդու են մորթել, որ նույնիսկ այդչափ ոչխար չի մորթվել: Իրենց ոչխարների հետ մեկտեղ հեռավո~ր Միջին Ասիայից գալով` սրա-նրա տարածքները գրաված անձանց թոռները հիմա իրենց այս հողերի տերն են համարում:
Չնայած մեկ դարից ի վեր ավերված լինելուն` ամենուր հողի տակից հեղեղի պես հորդում են հայերին պատկանած եկեղեցիների ու տների ավերակները, սակայն Դուք ասում եք` «Թող ո’չ ոք իրավունք չպահանջի»: Իսկ ո՞վ պետք է իրավունք պահանջի: Նա՞, ով նախկինում քոչվոր է եղել, այսօր էլ` զավթիչ: Նա՞, ով գրավելով հանդերձ` իրենը համարած հողերում այլ բանով չի զբաղվել` ոչնչացնելուց բացի: Նա՞, ով բոլոր անտառները հատելով` ամայացրել է դրախտային երկիրը: Նա՞, ով բոլոր ծովերը դարձրել է կոյուղի: Նա՞, ով այս հողերում գեթ մեկ ծառ անգամ չի տնկել: Այդպես չէ՞: Իսկ ամենահետաքրքիրն այն է, որ այս մարդիկ այդ բոլորի լույսի ներքո դեռ խոսում են Աստծուց, կրոնից ու հավատքից, որ իրենց հավատավոր, իսկ ուրիշներին անհավատ են անվանում: Մի՞թե դուք կարծում եք, թե Ալլահը կարող է ասած լինի` «Գողացի’ր, թալանի’ր, սպանի’ր, կոտորի’ր, զավթի’ր, բռնաբարի’ր»:
Հարգանքներով` «Ակունք» կայքէջի խմբագրություն
Leave a Reply