Թուրքիայում 167 մարդ է ձերբակալվել՝ ահաբեկչական կազմակերպության հետ համագործակցության համար

Թուրքիայում 167 մարդ է ձերբակալվել, ովքեր կապված են Հեղափոխական ազգային-ազատագրական կուսակցություն -ճակատ (ՀԱԱԿ-Ֆ) ահաբեկչական կազմակերպության գործունեության հետ, հայտնում է ИТАР-ТАСС-ը։

Կազմակերպության ակտիվիստներից մեկը փետրվարի 1-ին պայթեցրել էր իրեն Անկարայում ԱՄՆ դեսպանատան մոտ, որի հետևանքով երկու մարդ էր զոհվել։
Ինչպես հայտնել է CNNTurk հեռուստաալիքը, անվտանգության ուժերի ստորաբաժանումները լայնամասշտաբ հակաահաբեկչական գործողություն են անցկացրել Անկարայում, Իզմիրում, Անթալիայում և այլ խոշոր քաղաքներում։

Ըստ թուրքական անվտանգության ուժերի տվյալների՝ 3 ամիս առաջ ՀԱԱԿ-Ֆ-ի գրոհայինները ներխուժել են երկրի տարածք և փորձել կապ հաստատել տեղի ծայրահեղականների հետ։

Բոլոր կասկածյալների նկատմամբ հետաքննություն է տարվում։

http://tert.am/am/news/2013/02/19/turkey-usa/