Ստամբուլում հայկական հիմնադրամին թույլատրել են հյուրանոց եւ բնակելի շենք կառուցել

Ստամբուլի Մխիթարյան վարժարանի եւ եկեղեցու հիմնադրամին պատկանող 15 հազար քմ տարածքում հյուրանոց եւ առեւտրի կենտրոն կառուցելու նախագծի փոփոխությունն ընդունվել է։

Ինչպես տեղեկացնում է թուրքական Sabah-ը, կատարված փոփոխության արդյունքում Ստամբուլի հայկական Մխիթարյան հիմնադրամին պատկանող տարածքում, որը հայտնի է İnci Sineması անունով, պահպանվելու են վարժարանն ու եկեղեցին։ Դրանց կից տարածքում կառուցվելու են հյուրանոց եւ բնակելի շենք։

Նախորդ տարի սեպտեմբերին Ստամբուլի քաղաքապետարանը թույլատրել էր Մխիթարյան հիմնադրամին իրեն պատկանող 15 հազար քմ տարածքում կառուցել հյուրանոց, առեւտրի կենտրոն եւ բնակելի շենք, սակայն հիշյալ նախագիծը որոշակի բողոք էր առաջացրել եւ վերջնական արդյունքում որոշվել է առեւտրի կենտրոն չկառուցել։

http://news.am/arm/news/141013.html