Բաց նամակ Իլհամ Ալիեվին Թուրքիայից

Դիմում են թուրքական քաղաքացիական հասարակության կազմակերպությունները:

Նամակի մասին փետրվարի 17-ի համարում տեղեկացրել էր Կ. Պոլսո «Հայթերթ» կայքէջը: Նամակը, ըստ տեղեկության, կազմել են Հելսինկյան քաղաքացիական ասամբլեան, Ոչ ռասիզմին եւ ազգայնամոլության միությունը, Մարդու իրավունքների միության Ստամբուլի մասնաճյուղի Ռասիզմի եւ խտրականության դեմ պայքարի եւ Առերեսման կազմակերպությունները:

Այս կազմակերպությունների տարածած հաղորդագրության մեջ ասվում է. «Նամակ ենք հղում Ադրբեջանի նախագահ Իլհամ Ալիեւին: Ադրբեջանցի գրող Աքրամ Այլիսլին երկու ամիս ի վեր դաժան հալածանքի է ենթարկվում միայն այն պատճառով, որ արտահայտվել է հայերի հետ բարեկամության օգտին: Ամբոխը նրա տան առջեւ այրում է գրողի գրքերը: Նրա ականջը կտրողին պարգեւ են խոստանում: Մենք` վերոհիշյալ կազմակերպությունների ներկայացուցիչներս, փետրվարի 18-ին Մարդու իրավունքների միության Ստամբուլի մասնաճյուղի շենքում հրավիրված ասուլիսին հրապարակելու ենք մեր կազմած նամակը եւ փոստով ուղարկելու հասցեատիրոջը: Սպասում ենք միջոցառմանը մասնակցությունը բոլոր նրանց, ովքեր դեմ են ռասիզմին, ատելությանն ու թշնամանքին»:

Հ. Չ.

http://azg.am/AM/2013021903