Առնվազն երեք նահանգում հայերի և քրիստոնյաների կոտորած է նախապատրաստվել

21-րդ դարում էլ թուրք հավաքականությունը չի փոխում իր բնույթը:

Քոջաելի նահանագի ոստիկանությանը հաջողվել է մի հանցագործ խմբավորում բացահայտել, որը հայերի, քրիստոնյաների և քրդական Խաղաղություն և ժողովրդավարություն կուսակցության անդամների ցուցակ էր կազմել, նրանց բնակարանների հատակագծերը հավաքել:

12 անձից բաղկացած հանցախումբը ձերբակալվել է 2013 թ. հունվարի 16-ին, սակայն միայն այժմ է այդ մասին տեղեկություն հաղորդում թուրքական «Մալաթիաօլայ» պարբերականը:

Ոստիկանությունը պարզել է, որ հանցախումբը և նրա ղեկավարությունը գործել են թուրքական MIT հետախուզությանը բնորոշ գործելակերպով և իրենց ներկայացրել որպես այդ ծառայության ներկայացուցիչներ: Սակայն ոստիկանությանը չի հաջողել հայտնաբերել որևէ կապ հանցախմբի և ներքին կամ արտաքին որևէ հատուկ ծառայությունների միջև:

Խմբի անդամները ձերբակալվել են Քոջալի, Շանլըուրֆա և Դիարբաքըր (Տիգրանակերտ) քաղաքներում, ինչը վկայում է, որ հանցախումբի պլանները շատ հեռու են գնացել:

Հետաքրքրական է, որ ոստիկանությունը, բացի հայերի, քրիստոնյաների և քուրդ քաղաքական գործիչների անվանական ցուցակներից ու բնակարանների հատակագծերից, բռնագրավել է նաև մեծ քանակությամբ թրեր (յաթաղաններ), ինչը վկայում է, որ սպասվում էին հնարավոր կոտորածներ զուտ անցյալ դարասկզբի «թուրքական ոճով»:

http://www.armweeklynews.am/awn/m13/m_0095.htm