Անգելա Մերկելը Թուրքիայում քննարկելու է փոքրամասնությունների և համայնքների խնդիրները

Գերմանիայի կանցլեր Անգելա Մերկելը փետրվարի 25-ին մեկնելու է Թուրքիա՝ հանդիպելու երկրի վարչապետ Ռեջեփ Թայիփ Էրդողանի հետ։

Ինչպես տեղեկացնում է «Միլլիյեթ» պարբերականը, Գերմանիայի կանցլերը նաև ցանկություն է հայտնել հանդիպելու փոխվարչապետ Բյուլենթ Արընչի հետ՝ քննարկելու Թուրքիայում ազգային փոքրամասնությունների հարցերը։

Տեղեկությունը հաստատել է Թուրքիայի փոխվարչապետը։

«Անգելա Մերկելը Թուրքիայի փոքրամասնությունների և համայնքների վերաբերյալ տեղեկություններ ստանալու ցանկություն է հայտնել, ինչի համար ուրախ եմ, քանի որ նրան որոշ տեղեկություններ անձամբ փոխանցելու հնարավորություն կունենանք»,-ասել է նա։

http://tert.am/am/news/2013/02/12/merkel-turkey/