Երևանում բողոքի ցույց է տեղի ունեցել՝ ընդդեմ Թուրքիայում հայազգի կանանց նկատմամբ իրականացվող բռնությունների

Թուրքիայի Ստամբուլ քաղաքի Սամաթյա թաղամասում հայազգի կանանց նկատմամբ իրականացվող բռնությունները դատապարտող երթ է անցկացվել Երեւանում: Երթը կազմակերպել է «Երիտասարդ դիվանագետների ակումբ» հասարակական կազմակերպությունը:

«Միջազգային հանրությունից ակնկալում ենք կոշտ դատապարտում և համապատասխան գնահատական տեղի ունեցող գործողությունների և Թուրքիայի իշխանությունների կրավորական կեցվածքի նկատմամբ»,- «Արմենպրես»-ի փոխանցմամբ՝ ասաց «Երիտասարդ դիվանագետների ակումբ» ՀԿ նախագահ Սերոբ Գեւորգյանը:

Նախաձեռնությանը միացած ՀՅԴ «Նիկոլ Աղբալյան» ուսանողական միության կենտրոնական վարչության ատենապետ Գերասիմ Վարդանյանը նշեց, որ սա հետևանքն է Ցեղասպանության չճանաչման և չդատապարման, ուստի պահանջում են միջազգային կառուցների կոշտ արձագանքին:

Երթի մասնակիցները Թուրքիային և կրավորական կեցվածք որդեգրած միջազգային հանրությանը դատապարտող կոչերով և հայրենասիրական երգերով Հանրապետության հրապարակից շարժվեցին ՀՀ-ում ՄԱԿ-ի գրասենյակ և բաց նամակ հանձնեցին կազմակերպության ներկայացուցչին:

Թուրքիայում վերջին շրջանում հաճախակի են դարձել տարեց հայ կանանց նկատմամբ իրականացվող բռնությունները, որոնցից տուժել է հինգ կին:

http://times.am/?l=am&p=18410