Վալերի Բուայեն Հայոց ցեղասպանությունը ժխտողների դեմ նոր` փոփոխված օրինագիծ է ներկայացրել խորհրդարան

Ֆրանսիայում գլխավոր ընդդիմադիր կուսակցությունը հանդիսացող Ժողովրդական շարժում միության` Մարսելից ընտրված պատգամավոր Վալերի Բուայեն և ևս 5 խորհրդարականներ Ֆրանսիայի Ազգային ժողովի գրանցման բյուրոյին են ներկայացրել Հայոց ցեղասպանությունը ժխտողներին քրեական պատասխանատվության ենթարկելու մասին նոր` փոփոխված օրինագիծ:

Այդ մասին հաղորդում է Akunq.net-ը` վկայակոչելով թուրքական «Աքշամ» օրաթերթը:

Աղբյուրի համաձայն` Վալերի Բուայեի և ևս 5 պատգամավորների մշակած նոր օրինագիծը Ազգային ժողովին է ներկայացվել փետրվարի 6-ին: Խորհրդարականները սույն օրինագիծը դարձյալ պատրաստել են Մարսելի փաստաբանների միության անդամներից Ֆիլիպ Գրիգորյանի հետ համատեղ:

Ըստ նոր օրինագծի` առաջին հոդվածը 2 տարվա ազատազրկում կամ 45 հազար եվրոյի չափով դրամական տուգանք է սահմանում ցեղասպանությունը ժխտողների համար:

Akunq.net