Թուրքիայում հայ տարեց կանանց դեմ բռնությունից հետո հանցագործը գրություն է թողել Սամաթյայում. Մարդասպանը ես եմ

Թեեւ թուրքական ոստիկանությունը հայտարարել է, թե Ստամբուլի հայերով բնակեցված Սամաթյա թաղամասում սահմանել է խիստ հսկողություն, այնտեղ կրկին միջադեպ է գրանցվել։

Թուրքական Hurriyet-ի փոխանցմամբ՝ դեկտեմբերի 28-ին անհայտ անձի կողմից սպանված Մարիցա Քյուչուքի տան հարեւանությամբ գտնվող խանութում փետրվարի 8-ի գիշերը գողություն է կատարվել։  Հանցագործը խանութում գտնվող երկաթե չհրկիզվող պահարանի վրա թողել է գրություն. «Եթե վերցնեի, լավ կլիներ, քանի որ ինձ գումար էր պետք։ Մի քանի իր վերցրեցի։ սպանողը ես եմ»։

Նշենք, որ դեկտեմբերից սկսված Ստամբուլի հայերով բնակեցված Սամաթյա թաղամասում 4 հարձակում է տեղի ունեցել տարեց հայ կանանց դեմ։ Բոլոր հարձակումներն ունեն նույն ձեռագիրը։ Հարձակումներից մեկի ժամանակ հանցագործը կամ հանցագործները դաժանորեն սպանել են Մարիցա Քյուչուքին։ Հարձակումներից երկուսում հանցագործի դաժան ծեծի հետեւանքով 2 տարեց հայ կանայք զրկվել են աչքերից մեկից։ Իսկ մի դեպքում էլ փորձ է արվել առեւանգել հայ կնոջը։

http://news.am/arm/news/139586.html