Պոլսի հայկական համայնքը հերթական սեփականությունն է վերադարձրել

Թուրքիայի հայկական համայնքն իր ներկայացրած դիմումների շնորհիվ կարողացել է հետ ստանալ հերթական անշարժ գույքը: Ինչպես հաղորդում է «Արմենպրես»-ը` վկայակոչելով HyeTert.com-ը, Ստամբուլի հայկական Կեդրոնական վարժարանը հետ է ստացել Թարլաբաշը պողոտայի վրա գտնվող տունը:

Կիսավեր վիճակում գտնվող տունը զբաղեցնում է 70 քառակուսի մետր տարածք: Թեպետ դեռևս քննարկումները տարվում են, սակայն Թուրքիայի Վաքըֆների ընդհանուր տնօրինությունը արդեն իսկ ընդունել է տունը Կեդրոնականին տրամադրելու մասին որոշումը:

Վերջին մեկ շաբաթվա ընթացքում սա Վաքըֆների ընդհանուր տնօրինության կողմից ընդունված երկրորդ դրական պատասխանն էր հայկական համայնքին: Ավելի վաղ ընդունած որոշմամբ` Ստամբուլի Պեզճյան վարժարանի շենքը, որը զբաղեցնում է 1510 քառակուսի մետր տարածը, վերադրձվել էր Քարթալ թաղամասում գտնվող հայկական Սուրբ Նշան եկեղեցուն:

http://armenpress.am/arm/news/707787/polsi-haykakan-hamaynqy-hertakan-sepakanutyunn-e-veradardzrel.html