Թուրքիայի զինված ուժերը նախատեսում է ձեռք բերել հեռակառավարվող զինատեսակներ` Քրդստանի աշխատավորական կուսակցության (PKK) դեմ պայքարի համար, փոխանցում է թուրքական «Զաման» պարբերականը:
Թուրքական կողմն արդեն բանակցություններ է վարել մի շարք արտասահմանյան ընկերությունների հետ, որոնք նման զինատեսակների արտադրությամբ են զբաղվում:
Թուրքական բանակը ցանկանում է օգտագործել նմանատիպ զենքերը` խուսափելու մարդկային կորուստներից և ավելի արդյունավետ գործողություններ իրականացնելու համար:
Նմանատիպ զենքերն ունակ են պտտվել 360 աստիճան և կառավարվել հեռավորության վրա, ինչպես նաև կարողանում են հայտնաբերել հավանական թիրախը:
Թուրքիան պատրաստվում է գնել սկսել հնարավորինս շուտ:
Հիշեցնենք, որ Քրդստանի աշխատավորական կուսակցությունը (Partiya Karkerên Kurdistan կամ PKK) քրդական մարքսիստական-լենինիստական ուղղվածության կազմակերպություն է, որի նպատակն է զինված պայքարի միջոցով Թուրքիայի հարավարևելյան, Իրաքի հյուսիսային, Իրանի հյուսիսարևմտյան և Սիրիայի հյուսիսարևելյան տարածքների վրա «Քրդստան» անկախ պետության հիմնումը: Կազմակերպությունը հիմնադրվել է 1978 թ., Դիարբեքիրում (Աղձնիք նահանգ)՝ Աբդուլլահ Օջալանի (Ափո) կողմից, ով ներկայում ցմահ ազատազրկում է կրում թուրքական Իմրալը կղզու բանտում:
Կազմակերպությունն ակտիվ ռազմական գործողություններն սկսել է 1984 թ.: Թուրքական իշխանությունների դեմ մղվող շուրջ 30 տարվա պայքարի ընթացքում զոհվել է մոտ 45 հազար մարդ: PKK-ն ահաբեկչական կազմակերպությունների շարքին են դասում ԱՄՆ-ն, ԵՄ-ն, մի շարք այլ երկրներ:
Leave a Reply