Փասադենայից (Կալիֆոռնիա, ԱՄՆ) ստացված մամուլի հաղորդագրությունը տեղեկացնում է, որ տեղական քաղաքային խորհրդի առաջիկա ընտրությունների թեկնածու Ջոն Քենեդին իր ամբողջական պաշտպանությունն է արտահայտել քաղաքում հայերի ցեղասպանությանը նվիրված հուշակոթող կանգնեցնելու հայ համայնքի հատուկ հանձնաժողովի ծրագրին: Հուշակոթողը նախատեսված է կանգնեցնել քաղաքի 3-րդ թաղամասում գտնվող «Հիշատակի այգում»:
Այդ առթիվ Քենեդին հիշել է, թե ինչպես Ստամբուլում գտնվելու օրերին մի հայ խանութպան խնդրել է իրեն հայերեն լեզվով մի շատ հին Ավետարան, որ ընտանիքը պահպանել է սերնդեսերունդ, տանել հանձնել նախագահ Բարաք Օբամային: «Ես խոստումս պահեցի եւ այն նվիրեցի առաջին տիկնոջը, որ հանձնի ամուսնուն: Դրանով թուրքահայ այդ մարդը հիշեցնում էր Մ. Նահանգներին, որ պետք է ճանաչի Հայոց ցեղասպանությունը: Ես միշտ պաշտպանել եմ այդ կարծիքը, եւ հավատացած եմ, որ հուշարձանի ծրագիրը մի նոր քայլ կլինի ամոքելու հայերի խոցված սրտերն ու հոգիները», ասել է Ջոն Քենեդին:
http://azg.am/AM/2013020812
Leave a Reply