Կիպրահունական եկեղեցին Կիպրոսի թուրքական հատվածում անշարժ գույք վաճառող հույներին հայրենիքի դավաճան է հայտարարել

Կիպրոսի հունական ուղղափառ եկեղեցին կղզու թուրքական հատվածում անշարժ գույքի` թուրքերին վաճառքը հայրենիքի դավաճանություն է հայտարարել եւ դատապարտել կղզիաբնակ հույների նման գործողությունները:

Ինչպես հաղորդում է «Արմենպրես»–ը, կիպրահունական Fileleftheros թերթի համաձայն` այդ մասին որոշումը կիպրահունական Sen Sinod-ն ընդունել է պատրիարք Խրիսոստոմոս 2-րդի գլխավորությամբ չորեքշաբթի անցկացրած եկեղեցական ժողովում: Եկեղեցին «հայրենիքի դավաճան» է համարել այն կիպրահույներին, որոնք դիմում են կղզու թուրքական մասի Անշարժ գույքի հանձնաժողովին` իրենց այնտեղ գտնվող ունեցվածքը վաճառելու թույլտվություն ստանալու համար:

http://armenpress.am/arm/news/707623/kiprahunakan-ekexecin-kiprosi-turqakan-hatvatsum-ansharzh.html