Թուրքիայի վարչապետ Ռեջեփ Թայիփ Էրդողանը Բուխարեստի Էլտե համալսարանում ելույթի ժամանակ հայտարարել է, թե Կիպրոս անունով պետություն չկա՝ ուշադրություն չդարձնելով այն հանգամանքին, որ Կիպրոսը ԵՄ անդամ է եւ, ավելին, մեկ ամիս առաջ ԵՄ նախագահությունը հանձնել է Իռլանդիային։
Թուրքական Internethaber-ի փոխանցմամբ՝ Թուրքիայի վարչապետը Հունգարիա կատարած պաշտոնական այցի շրջանակում ելույթով է հանդես եկել Բուդապեշտի Էլտե համալսարանում, որի ընթացքում կրկին անդրադարձել է ԵՄ անդամակցության եւ Կիպրոսի խնդրին։
Թուրքիայի վարչապետը, անդրադառնալով Թուրքիայի՝ Եւրոմիության անդամակցության թեմային, նշել է, թե այն Թուրքիայի համար ռազմավարական նշանակություն ունի, սակայն դա էլ ունի իր սահմանափակումը։ «Բայց այդ գործընթացը մինչեւ ե՞րբ է շարունակվելու։ Մի կետից հետո մենք էլ մեր որոշումը կկայացնենք։ Եվրոպան հիմա լուրջ խնդիրների առջեւ է։
Այս ընթացքում ԵՄ-ին Թուրքիայի անդամակցությունը կուժեղացնի Եվրոպային։ Տնտեսական, սոցիալ եւ քաղաքական տեսանկյուններից դա Եւրամիության համար լուրջ կարեւորություն կունենա։
Մենք գալիս ենք Եւրոպա՝ բեռը թեթեւացնելու, ոչ թե ավելացնելու»,-ասել է Էրդողանը։
Թուրքիայի վարչապետը, խոսելով Կիպրոսի խնդրի մասին, կրկին զավեշտալի հայտարարություն է արել. «Կիպրոս անունով պետություն չկա։ Մենք այն չենք ճանաչում»։
Leave a Reply