Փողոցը, որտեղ ծնվել է Հրանտ Դինքը, անվանակոչվել է նրա անունով

Մալաթիայի քաղաքապետարանը վերանայել է քաղաքի 2400 պողոտաների և փողոցների անունները։

Ինչպես տեղեկացնում է պոլսահայ «Ակօս» շաբաթաթերթի կայքը, Մալաթիայի այն փողոցը, որտեղ ծնվել է «Ակօս»-ի նախկին խմբագրապետ Հրանտ Դինքը, անվանակոչվել է վերջինիս անունով։

Մալաթիայի քաղաքացիական հասարակության ներկայացուցիչներին քաղաքապետարանը կոչ է արել փողոցներն անվանակոչելու վերաբերյալ առաջարկություններ ներկայացնել՝ կենտրոնանալով ծնունդով Մալաթիայից հայտնի մարդկանց վրա։

«Երբ նայում էինք քաղաքի փողոցների անվանումներին՝ տեսնում էինք, որ նույնանման մի շարք անուններ կան։ Դեռևս շարունակում ենք առաջարկություններ ընդունել, քանի որ հայտնի մարդկանց անուններն ընտրելիս գուցե սխալներ թույլ տված լինենք»,-ասել է քաղաքապետ Ահմեթ Չաքըրը։

Նա նշել է, որ այն փողոցը, որտեղ ծնվել է Հրանտ Դինքը, ճիշտ են համարել անվանակոչել նրա անունով։

http://tert.am/am/news/2013/02/05/dink-street/