Թուրքիան, ավելի քան 50 տարի, սպասում է Եվրոպական Միությանն անդամակցությանը, ինչո՞ւ եք այս երկրին այդքան սպասեցնում ԵՄ մուտքի առաջ. թուրքական Haberler կայքի փոխանցմամբ՝ հայտարարել է Չեխիայում գտնվող Թուրքիայի վարչապետ Ռեջեփ Թայիփ Էրդողանը։
«Մենք ևս մեկ անգամ կոչ ենք անում ԵՄ-ին Թուրքիային ընդունել միության կազմ։ Մանավանդ, որ Եվրոպայի տարածքում ավելի քան 5 մլն թուրք է ապրում, և այդ պատճառով էլ մենք վաղուց արդեն ԵՄ անդամ ենք համարվում»,-ասել է Էրդողանը։
Նա նաև նշել է, որ Թուրքիան մտադիր է անդամակցել Շանհայի համագործակցության կազմակերպությանը, և «պետք չէ կարծել, որ նա ԵՄ-ի այլընտրանքն է»։
Էրդողանը հիշեցրել է, որ Թուրքիան ԵՄ-ին անդամակցելու համար դիմել է 1963 թ.։
«Այս ժամանակահատվածում աններելի է, որ գործընթացն այսքան ձգձգվել է։ ԵՄ անդամ համարվող շատ երկրներ չափանիշներով զիջում են Թուրքիային»,-ասել է Էրդողանը։
Leave a Reply