Թուրքիայի ռազմաօդային ուժերի օդանավերը հունվարի 31-ի երեկոյան խախտել են Հունաստանի օդային տարածքը: Թուրքական օդանավերը ձերբակալելու համար օդ է բարձրացել հունական ռազմական ավիացիան:
Ինչպես հաղորդում է Նորությունների աթենքյան ծառայությունը, 4 թուրքական օդանավեր խախտել են Հունաստանի օդային սահմանը Խիոս կղզու հյուսիսային մասում, իսկ 3 օդանավեր` Ռոդոս կղզու արեւելյան մասում: Ենթադրվում է, որ թուրքական ավիացիան մասնակցել է ծովային վարժանքների:
Ինչպես նշում է «ՌԻԱ նովոստին», Թուրքիայի եւ Հունաստանի միջեւ տարաձայնություններ գոյություն ունեն Էգեյան ծովում սահմանազատման հարցերում: Աթենքն ընդունում է շելֆի սահմանափակման խնդիրը, իսկ Թուրքիան պարբերաբար հարցականի տակ է դնում ցամաքային եւ ծովային սահմանների որոշակիությունը:
Leave a Reply