Թուրքիայի նախագահ Աբդուլլահ Գյուլն ստորագրել է օրեր առաջ երկրի խորհրդարանի կողմից դատարանում մայրենի լեզվով պաշտպանվելու օրենքը։
Ստամբուլի հայկական «Ակօս»-ի փոխանցմամբ՝ Թուրքիայի նախագահի նստավայրից արված հայտարարության մեջ նշվել է, որ նախագահ Գյուլը 11 օրենքներ է ստորագրել, որոնց մեջ է նաեւ մայրնեի լեզվով պաշտպանվելու օրենքը։
Նշենք, որ օրեր առաջ Թուրքիայի խորհրդարանում երկարատեւ քննարկումների եւ վիճաբանություններից հետո ընդունվել է քրդական Խաղաղություն եւ ժողովրդարավություն կուսակցության կողմից առաջադրած «Մայրենի լեզվով պաշտպանվելու» մասին օրինագիծը։
Ընդունված օրինագծի առաջին հոդվածը կարգավորում է դատարանում ամբաստանյալների՝ մայրենի լեզվով պաշտպանվելու իրավունքը։ Ըստ դրա՝ ամբաստանյալը կարող է պահանջել թարգմանիչ՝ մեղադրական զեկույցի ընթերցման եւ իր պաշտպանական ճառի ժամանակ։ Թարգմանիչներին հատուկ ցուցակից ընտրելու է ամբաստանյալը։
Leave a Reply