Դիարբեքիրի հայկական բողոքական եկեղեցին հետ ստանալու դիմում է տրվել

Դիարբեքիրի բողոքական եկեղեցին դիմում է տվել Հիմնադրամների վարչության Դիարբեքիրի տնօրինությանը՝ պահանջելով հետ վերադարձնել 1983 թ. խլված Դիարբեքիրի հայկական բողոքական եկեղեցին։

Թուրքական Իհլաս լրատվական գործակալության թղթակցի հետ զրույցում Դիարբեքիր բողոքական եկեղեցու հոգեւոր առաջնորդ Ահմեդ Գյուվեները նշել է, թե հայկական բողոքական Սուրբ փրկիչ եկեղեցին ունեցել է 100-ից ավել հետեւորդներ։ «1983-ին Հիմնադրամների վարչությունը խլեց այն՝ պատճառաբանելով բողոքական համայնքի բացակայությունը։

Այս պահին ավարտվել է եկեղեցու վերանորոգումը։ Դիարբեքիրում մեր համայնքն այս պահին ունի 80 անդամ, իսկ հարեւան շրջանների հետ միասին անցնում է 100-ը։ Այս պահին եկեղեցում գորգագործության ուսումնական կենտրոն է։ Դա վայել չէ հոգեւոր կենտրոնին։ Կարծում եմ, որ մահմեդականն էլ եթե տեսնի մզկիթում նման գործունեություն, իր սիրտը կցավի։

Եկեղեցին մեզ վերադարձնելու համար արդեն համապատասխան դիմում տվել ենք եւ հավատում ենք, որ Դիարբեքիրի ժողովուրդն էլ դրան դրական են արձագանքելու»,-նշել է Ահմեդ Գյուվեները։

http://news.am/arm/news/134507.html