Ստամբուլում հայ տարեց կնոջը սպանել են դանակի 7 հարվածով

Ստամբուլի Ֆաթիհ թաղամասում հայ կին է սպանվել. տեղեկացնում է Sondakika լրատվական կայքը։

Անհայտ հանցագործը դանակի 7 հարված է հասցրել 84-ամյա կնոջն ու կտրել կոկորդը։

Նրա որդին՝ Զատիկ Քյուչուքը, աշխատանքից հետո այցելել է տանը մենակ ապրող 84-ամյա մորը՝ Մարիսսա Քյուչուքին։ Երբ վերջինս դուռը չի բացել, որդին մոտի բանալիով մտել է տուն և դռան հետևում հայտնաբերել սպանված մոր դին։

Որդին ոստիկանություն և շտապօգնություն է կանչել, ովքեր էլ արձանագրել են հայուհու մահը։

Ծեր կնոջ հարևանը պատմել է, որ կնոջը վերջին անգամ տեսել է 15։30-ի սահմաններում՝ շուկայից վերադառնալիս։

Այժմ ոստիկանությունը փորձում է գտնել 4 երեխաների մայր Մարիսսա Քյուչուքին սպանողներին։

http://tert.am/am/news/2012/12/29/stambul-fatih/