The Independent-ի լրագրողին ցնցել է հայերի ցեղասպանության մասին լուսանկարի հանդեպ հանդիսատեսի արձագանքը

The Independent թերթի միջազգային թղթակիցները անց են կացրել 2012 թվականի ամփոփումը՝ պատմելով անցնող տարվա ամենահիշարժան պահերի մասին։

Ռոբերտ Ֆիսկի համար ամենահիշարժան իրադարձությունը եղել է Մերձավոր Արեւելքի հայ համայնքի հետ հանդիպումը։  Նրա խոսքով՝ նա կյանքում երբեք չի տեսել ավելի զգայուն եւ արցունքներ առաջացնող լսարան, քան այն, որին ինքը ներկա է եղել անցյալ տարվա վերջին` Շարջայում։  Հանդիպմանը ցուցադրվել են «Էրզրումի «մահվան երթի» լուսանկարները:

«4 նկար լուսանկարել էր թուրքական բանակի ավստրիական զինվոր Ռոբերտ Փիթչմանն, որը չգիտեր, որ այդ տղամարդիկ եւ կանայք շուտով կմեռնեն։

Նրանք ուղիղ գծով իջնում են ճանապարհը. հորիզոնի բլուրների գունատ գծով լուսանկարում կանայք գլխաշորով են, իսկ ծառերի կողքին գտնվող ավանակները ծանրաբեռնված են։ Էրզրումի ողջ հայությանը վիճակված էր սպանվել թուրքերի ձեռքով 1915 թվականի Ցեղասպանության ժամանակ»,- գրել է Ֆիսկը։

http://news.am/arm/news/134082.html