Ստամբուլում հակահայկական պաստառներ պարզած անձանց դատապարտել են ազատազրկման, սակայն ազատ արձակել 3000 լիրայի դիմաց

Ստամբուլի Թաքսիմ հրապարակում հակահայկական ցույցի ընթացքում հայերին վիրավորող պաստառներ պարզած 6 մարդ ազատազրկվել է 5 ամիս ժամկետով։

Ինչպես տեղեկացնում է Sondakika լրատվական կայքը, այդ պատիժը փոխարինվել է 3000-ական թուրքական լիրա տուգանքով։
Դատարանը որոշել է 10 մեղադրյալից 6-ին մեղավոր ճանաչել Թուրքիայի Քրեական օրենսգրքի 216-րդ ՝«ժողովրդին թշնամանքի և վրեժխնդրության դրդել» հոդվածով։

Հիշեցնենք, որ Ստամբուլի Թաքսիմ հրապարակում փետրվարի 26-ին Աղդամի իրադարձությունների 20-ամյա տարելիցի կապակցությամբ Ադրբեջանի և Թուրքիայի իշխանությունների աջակցությամբ կազմակերպված հակահայկական ռասիստական ակցիայի ժամանակ հակահայկական պաստառներ պարզելու համար ձերբակալվածները ստորագրության դիմաց ազատ էին արձակվել։

http://tert.am/am/news/2012/12/26/taksim/