Ստամբուլահայ նկարչուհի Քարոլին Ֆիշեքչին, ով հայտնի է էրոտիկ բնույթի արվեստի գործերով եւ սկանդալային հայտարարություններով, հերթական հարցազրույցն է տվել թուրքական Yurt պարբերականին, որում հայտնել է, թե ինչու էր Օրհան Փամուքը հրաժարվում իր հետ դուրս գալ փողոց։
Թուրք հայտնի գրող, գրականության ոլորտում Նոբելյան մրցանակ ստացած Օրհան Փամուքի նախկին սիրեցյալ Քարոլին Ֆիշեքչին այն հարցին, թե ընկերություն անելու ժամանակ ինչու էին խուսափում երեւալ հասարակության առաջ, պատասխանել է. «Թուրքիայում էլ ենք մենք միասին եղել, սակայն նա շատ էր վախենում երեւալ հասարակության առաջ։ Այդ պատճառով մենք հիմնականում ժամանակ էինք անցկացնում Նիշանթաշը, Ջիհանգիր թաղամասերում գտնվող տներում։ Երբեմն էլ դուրս էինք գնում, սակայն միշտ նույն տեղերը։
Ես իրեն հարցրել եմ, թե ինչու չի ցանկանում, որ մեզ միասին տեսնեն, պատասխանել է. «Դու հայ ես. մեզ կքարկոծեն»։ Նրա ամեն մի քայլը մտածված է»,-ասել է Քարոլին Ֆիշեքչին։
Նշենք, որ նախորդ տարի դեկտեմբերին Նյու Յորքում լրագրողները Օրհան Փամուքին եւ Քարոլին Ֆիշեքչիին միասին էին տեսել, որից հետո հայտնի դարձավ, որ նրանք ընկերություն են անում։
Leave a Reply