Հունական համայնքը «Կալանտան» նշել է ստամբուլյան փողոցներում

Սուրբ ծնունդը, որը հույների մոտ «Կալանտա» է կոչվում, նշվել է նաև Ստամբուլի հունական համայնքում: Զօղրաֆյոն հունական մասնավոր լիցեյի 60 սան Ստամբուլի կենտրոնական Իսթիքլալ պողոտայում սկսել են իրենց երթը, Գալաթասարայի լիցեյից քայլել են մինչև Հունաստանի դեսպանատուն, քաղաքացիներին սուրբծննդյան թխվածք են բաժանել, հունարեն և թուրքերեն երգեր երգել: Ինչպես հաղորդում է «Ակօսը», դեսպանատանը երեխաներին դիմավորել են Հունաստանի դեսպանը` կնոջ հետ:

Սովորաբար սուրբծննդյան երգերը երգելով` երեխաները տներից գումար են հավաքում` այն նվիրաբերելով բարեգործության: Այս տարվա կազմակերպված միջոցառումը նպաստելու է, որպեսզի տարիներ շարունակ ինքնամփոփ ապրող հույն երեխաները և համայնքը հայթահարեն այդ բարույթը: «Մենք ցանկանում ենք, որ հունական համայնքը իր զգացած վախը հաղթահարի և ինքնավստահության զգացումով ներարկվի»,-նշել է դպրոցի փոխտնօրեն Օզջան Շաբուդաքը:

http://ankakh.com/2012/12/271582/