Նախիջևանի ընդդիմությունը կպայքարի Ադրբեջանի ռեժիմի դեմ

Նախիջևանի մտավորականները շաբաթ օրը Հանրային պալատի, քաղկուսակցությունների Խորհդակցային մեջլիսի, իրավապաշտպան կազմակերպությունների հետ լսումներ են անցկացրել Նախիջևանի ինքնավար հանրապետությունում հասարակական-քաղաքական վիճակի վերաբերյալ, հայտնում է Contact.az-ը:

Տեղի հայտնի քաղաքական գործիչ Իբրահիմ Իբրահիմլիի բնորոշմամբ` ինքնավարությունում իրավիճակը բարդ է ու ծայրահեղ ոչ միայն քաղաքական կուսակցությունների և ՀԿ-ների, այլև ամբողջ բնակչության համար: Նա նկատել է, որ վերջին շրջանում հալածանքների նոր ալիք է սկսել քաղաքացիական հասարակության, լրագրողների ու գործարարների դեմ:

Իբրահիմլին ասել է, որ տեղի բնակիչ Տուրաչ Զեյնալովի սպանությունը և նրա ընտանիքի հալածանքը ցույց է տվել, որ Ադրբեջանի ազգային անվտանգության ծառայությունը վեր է ածվել հանցավոր կազմակերպության:

Կարծիք է հայտնվել, որ հարկավոր է մեծ հասարակական շարժում սկսել, որպեսզի 2013-ի աշնանը Ադրբեջանում կայանան ազատ ժողովրդավարական նախագահական ընտրություններ: Առաջիկայում նախատեսվում է քաղաքական կուսակցությունների մեջ նման փաստաթղթի ստորագրումը, որը թույլ կտա հասարակական ուժերին պայքարել Ադրբեջանի ռեժիմի դեմ:

http://tert.am/am/news/2012/12/23/nakhijevan-az/