Թուրքիայում լույս է տեսել Կարին Հովհաննիսյանի «Ստվերների ընտանիք» գրքի թուրքերեն տարբերակը

Թուրքիայում հրատարակվել է Հայոց ցեղասպանության հետևանքով սեփական հայրենիքից զրկված ընտանիքի մեկդարյա պատմության մասին պատմող «Ստվերների ընտանիք. մի հայկական ընտանիքի հարյուրամյակ» գրքի թուրքերեն տարբերակը: Ինչպես հաղորդում է «Արմենպրես»-ը` այս մասին տեղեկացնում է թուրքական Radikal պարբերականը:

Հեղինակը` Կարին Հովհաննիսյանը,  պատմում է Հայաստանի դաժան պատմությունը, որի ականատեսն են եղել Հովհաննիսյան ընտանիքի երեք սերունդները: Գիրքը պատմում է նրա մեծ պապի` Կասպարի մասին, որը մազապուրծ է եղել 20-րդ դարասկզբի եղեռնից և նոր կյանք սկսել ԱՄՆ-ում: Կասպարի թոռը պատմում է, թե ինչպես է ինքը, հետևելով ամերիկյան երազանքին, հասնում Կալիֆորնիայի Սան Խոակին հարթավայր` երբեք չմոռանալով իր հայրենիքը: Ապա Կասպարի որդին` Ռիչարդը, հեռանում է ընտանեկան ագարակից և հետագայում ԱՄՆ-ում առաջինը զբաղվում է հայագիտությամբ` դառնալով ցեղասպանագիտության համաշխարհային հեղինակություն: Կասպարի թոռանը` Րաֆֆուն, նույնպես հանգիստ չէր տալիս անցյալը և 1989 թ. նա հեռանում է Լոս Անջելեսի իր իրավաբանական գրասենյակից և յուրօրինակ քայլ կատարում` հայրենադարձելով Խորհրդային Հայաստան, որտեղ պատմական դերակատարում է ունենում նորանկախ հանրապետության  կայացման գործում` դառնալով Հայաստանի Հանրապետության առաջին արտգործնախարարը:

Ավելի վաղ գիրքը լույս էր տեսել Միացյալ Նահանգներում` անգլերեն տարբերակով:

http://armenpress.am/arm/news/703420/turqiayum-luys-e-tesel-karin-hovhannisyani-stverneri.html4