«Լրագրողներ առանց սահմանների» կազմակերպությունը Թուրքիան լրագրողների բանտ է անվանել

Թուրքիան լրագրողների համար աշխարհի ամենամեծ բանտն է: Նման հայտարարություն է արել Փարիզում տեղակայված «Լրագրողներ առանց սահմանների» միջազգային կազմակերպությունը: Այս մասին հաղորդում է «Արմենպրես»-ը` վկայակոչելով թուրքական CNN Türk-ը: 

Կազմակերպության հրապարակած հոդվածի համաձայն` ներկայում Թուրքիայի բանտերում գտնվում են ավելի քան 70 լրագրողներ, ովքեր դատապարտվել են` իրենց հրապարակած հոդվածների պատճառով: Հոդվածում նշվում է, որ Թուրքիայում նման իրադրության հիմնական մեղավորը երկրում իրավունքի տարրի և օրենքների բացակայությունն է: Միջազգային կազմակերպությունը հայտնել է, որ երկրում հարգանք չեն ցուցաբերում դատական իրավունքներին և տեղեկատվական ազատության հանդեպ, ինչի հետևանքով ամեն տարի ձերբակալված լրագրողների թիվը Թուրքիայում ավելանում է: 

http://armenpress.am/arm/news/703336/lragroxner-aranc-sahmanneri-kazmakerputyuny-turqian.html