Վանի Աղթամար կղզում սկսվել է վերանորոգման 2-րդ փուլը

Թուրքիայի արեւելքում գտնվող Վանա լճի հայտնի Աղթամար կղզում գտնվող Սուրբ Խաչ եկեղեցու շրջակայքում գտնվող հոգեւորականների մենաստանի եւ մատուռի վերանորոգման համար մրցույթ է հայտարարվել։

Թուրքական Posta-ի փոխանցմամբ՝  Վանի Աղթամար կղզում գտնվող հոգեւորականների մենաստանի եւ մատուռի վերանորոգման համար 1 մլն 200 հազար լիրա (650 հազար դոլար) արժողությամբ վերանորոգման ծրագիր է իրականացվելու, որի համար արդեն մրցույթ է հայտարարվել։ Վերանորոգումն կսկվի 2013 թ. ապրիլին եւ կտեւի 6 ամիս։

Նշվում է, որ վերանորոգումն իրականացվելու է 50 մասնագետներից եւ շինարարներից կազմված խմբի կողմից։ Կառույցները վերանորոգվելու են առանց փոփոխությունների՝ օրիգինալ տեսքով։  Վերանորոգման մեջ օգտագործելու համար Իտալիայից հատուկ կրաքար են բերելու, որոնք կղզի կտեղափոխվեն նավերի օգնությամբ։ Բացի այդ` վերանորոգման ընթացքում կղզում կտեղադրվեն տեսախցիկներ, որոնց միջոցով անվտանգության աշխատակիցները կհսկեն կղզին:

Նշենք, որ Թուրքիայի կառավարության միջոցներով Աղթամարի Սուրբ Խաչը 2007 թ. վերանորոգվել է: Այնուհետ Պոլսո Հայոց պատրիարքարանը դիմել էր Թուրքիայի կառավարությանը՝ Աղթամարի Սուրբ Խաչում տարին մեկ անգամ պատարագ իրականացնելու թույլտվություն ստանալու համար: 2010 թ. մարտին Թուրքիայի մշակույթի նախարար Էրթուղրուլ Գյունայը հայտարարեց, թե արդեն կա Սուրբ Խաչում պատարագ իրականացնելու եւ եկեղեցու գմբեթին խաչ տեղադրելու թույլտվությունը: Պատարագի անցկացման օր նշանակվեց սեպտեմբերի երկրորդ կիրակին, որը համընկնում էր Սուրբ Խաչ եկեղեցական տոնի հետ:

http://news.am/arm/news/132839.html