Թուրքական իշխանություններին ստիպելու ենք հաշիվ տալ Ցեղասպանության ու բռնի տեղահանման համար. «Թարաֆ»-ի լրագրող

Թուրքական «Թարաֆ» թերթի սյունակագիր Ռոնի Մարգուլիսը Դիարբեքիր` պատմական Տիգրանակերտ, կատարած հերթական այցից հետո Twitter-ի իր էջում գրել է, որ թուրքական իշխանություններին ստիպելու են հաշիվ տալ Հայոց ցեղասպանության, բռնի տեղահանման, ցավերի եւ տառապանքների համար:

«Արմենպրես»–ի փոխանցմամբ` Մարգուլիսը նշել է, որ 1890 թ. Դիարբեքիրի 30 հազար բնակիչներից տասը հազարը հայեր էին, տասը հազարը` մահմեդականներ եւ մնացածն էլ քրիստոնյաներ ու հրեաներ: Այնուհետ ինչ-որ բաներ տեղի ունեցան, եւ այժմ այնտեղ բոլորը մահմեդականներ են: «Ամեն անգամ Դիարբեքիրում լինելիս մտածում եմ, թե ո՞վ է պատասխան տալու այս 100 տարիների համար: Թուրքական իշխանությանը ստիպելու ենք հաշիվ տալ Ցեղասպանության, բռնի տեղահանման, ցավերի եւ տառապանքների համար: Ես ասում եմ, որ ոչ թե պետությունն է հաշիվ տալու, այլ ստիպելու ենք պետությանը, որ հաշիվ տա այդ բոլորի համար»,-ընդգծել է նա:

http://armenpress.am/arm/news/702906/turqakan-ishkhanutyunnerin-stipelu-enq-hashiv-tal-cexaspanutyan.html