Թուրքիայի փոխվարչապետն անհրաժեշտ է համարել ազգային փոքրամասնությունների սեփականությունները վերադարձնելը

Թուրքիայի ազգային փոքրամասնությունների հիմնադրամները պետք է ետ ստանան իրենց պատկանող սեփականությունները: Ինչպես հաղորդում է «Արմենպրես»-ը`վկայակոչելով Ստամբուլում լույս տեսնող հայկական «Ակօս» պարբերականը, այս մասին հայտարարել է Թուրքիայի փոխվարչապետ Բյուլենթ Արընչը:

«Փոքրամասնությունների սեփականությունները իրենց հիմնադրամներին վերադարձնելը իրավական անհրաժեշտություն է: Թուրքիայի ներկայիս տարածքում հնուց ի վեր ապրել են 41 տարբեր էթնիկ խմբերի, ազգությունների ներկայացուցիչներ: Դա մեզ համար հարստություն է»,- ասել է Թուրքիայի փոխվարչապետը:

Անդրադառնալով Հրանտ Դինքի սպանությանը` Թուրքիայի փոխվարչապետն այն որակել է իբրև ստոր գործողություն: Խոսելով Թուրքիայի տարածքում ապրող հայերի ու հյուների մասին` Արընչը նշել է, որ նրանք այս տարածքում ապրել են դեռևս վաղ անցյալում և կոչ է արել «երբեք չամաչել կամ չնեղվել այդ փաստից»: 

http://armenpress.am/arm/news/702565/turqiayi-pokhvarchapetn-anhrazhesht-e-hamarel-azgayin-poqramasnutyunneri.html